Ordu txikiak arte luzatu zen zapatuko jaia

Goiz bete zen Errekalde eta Gipuzkoa Etorbideko plaza, eta ordu txikiak arte luzatu zuten jai giroa gerturatutako herritarrek eta bertako bizilagunek. Egunean zehar, buruhandiak, paella-jana, Kukumixoren jolasak... eta ohiko txapelketetak izan zituzten; baina, aurten, antolatzaileek egindako musika ikuskizunen aldeko apustua nabarmendu zen batik bat. Hala, Camilo Fauno kantautoreak, Zatekeen erromeriak, eta Trujen-Estrujen Dj bikote plazentziatarriak borobildu zuten Mesedeetako jaien zapatu gaua.