Urtero moduan, aurten ere osintxuarrak Soraluzera etorri dira Kofraixa jaixak hasi direla iragarri eta plazentziatarrak gonbidatzera. Berezkoa duten umorearekin mozorrotuta etorri ziren atzo txoniak, fatxak eta abertzaleak, Son Goku eta Iratxo Dortoka, Montserrat Caballe, It-eko pailazoa, Osintxuko tunanteak, indartsuak, punkia, saskibaloi jokalariak eta beste hainbat pertsonaia. Bidegorritik egin zuten Soraluzerako bidea eta Plaza Zaharretik pasatu ondoren, Etxaburuetan zain zuten merendolarekin borobildu zuten bisita. Gaur eta bihar ere izango da jaietarako aukera Osintxun. Ikus egitarau osoa HEMEN.