Ion Loiola parrokoa ordezkatzera etorri zen Victoriano Etxabe parrokoa Soraluzera 2022an. Baina, osasun arrazoiak tarteko, hark ere, laga egingo dio Soraluzeko parrokoa izateari.
Bada, Elgoibarko parrokiatik jakinarazi dutenez, Donostiako Elizbarrutiak dagoeneko izendatuta dauka parroko berria, izendapenak irailaren 1etik aurrera eragina izango duen arren. Joseba Gonzalez Zugasti ‘Paje’ (Azkoitia, 1969) izango da Elgoibar eta Soraluzeko parrokoa.
Pasai San Pedroko erretorea da gaur egun ‘Paje’; Gipuzkoako bikario nagusia izandakoa ere bada, besteak beste. Elgoibarko parrokiatik gaineratu dutenez, jakinaraziko dute aurrerago noiz aurkeztuko duten parroko berria.