Deigarria izan zen atzo gauean Plaza Zaharra ikustea. Beteta, lepo zegoen. Erdian, bazterretan eta denean. Kanpotarrak zein bertakoak elkartu ziren han. Helduak bai, baina batez ere gazteak. Denak, hori bai, Zopilotes Txirriaos taldea ikustera. Eta nafarrek ondo kunplitu zuten euren partea. Plaza bere egin zuten, batzuk saltoka jarri zituzten, eskuak altxatuta beste asko eta guztiak edo ia guztiak dantzari emanda.