Iluntzeko zazpiak puntuan zirela, Zubi Nagusia beteta, aurtengo danborradako antolatzaileak eta udal ordezkariak udaletxeko balkoira atera dira. Pregoia esan dute lehenengo danborradakoek, eskerronez betetakoa. Segidan, Galtzagorrien txarangarekin batera Artillero jo dute eta hura amaitzean jaurti dute lehen kanoikada aurtengo artilleroek. Festa lehertu da orduan zubian. Ondoren etorri dira gainerako kanoikadak, buruhandiak eta Galtzagorrien txarangaren kalejira, Marras eta herritarrak atzetik zituztela. Argazkiak: Fernan Oregi.