Atzo, martitzena, lehen entsegua egin zuen aurten bueltan izango den Nagusien Danborradak. Ordubete inguruz jardun zuten San Sebastian Martxa, Diana, Iriyarena, Tatiago, Debako Martxa eta tradiziozko bestelako piezak entseatzen. Beteranoek gidatu zuten hasiberrien erritmoa, batzuetan asmatuz eta bestetan kale eginez adi-adi ibili ziren haiek. Eguenean elkartuko dira berriro, 19:30ean. Eta horrela egingo dute, astean birritan, jaietara arte.