Zapatu eguerdian, dibertimendu ederra sortu zen Galtzagorrixak Jai Batzordeak jarri zuen tonbolaren bueltan. Opariak barra-barra izan ziren, askok piztu zituzten saridunen barreak eta erosle, ikusle eta herritar asko erakarri zituen ekimenak. Jaietako ekitaldiak antolatzeko diru-bilketarako antolatu zuten tonbola eta horretarako zertxobait lortu zuten gazteek. Edozelan ere, datozen asteotan segituko diote diru bilketari batean zein bestean errifak salduz.