Jostailuak, edariak, bazkariak, herriko tabernetan hartzeko kafeak, deskontu-bonuak, umeendako materiala, mozorroak, orrazteko plantxak, kamisetak, biserak, kirol elkarteek emandako materiala… denetariko opariak izango dira zapatuko tonbolan.
Gazteak apirilean hasi ziren guztia prestatzen eta herriko komertzioen, tabernarien eta elkarteen eskuzabaltasunari esker, tonbola oparoa lortu dute antolatzea, 300 oparitik gorakoa. Zapatuan, 1.280 boleto izango dira eskura euro baten, beraz, lautik batek saria izango du.