Gaur, apirilaren 23, Liburuaren Nazioarteko Eguna da, aukera paregabea Irakurri eta Gozatu kanpainaren bitartez, euskarazko liburuak eta komikiak erdi prezioan erosteko.
Apirilaren 2an abiarazi zuten kanpaina hori Soraluzeko Udal Liburutegiak eta Udaleko Hizkuntza Politika Batzordeak elkarlanean. Haren bitartez, Soraluzen erroldatutako herritarrek euskarazko edozein liburu %50eko deskontuarekin lortzeko aukera izango dute herriko liburu-dendetan: Iratxo, Estankoa eta Arzelus.
Halaber, azken urteko euskal nobedadeen eta gomendioen zerrenda ere argitaratu dute kanpainaren antolatzaileek, hemen klikatuta ikusgai.