Haurreskolako izen-ematea zabalik maiatzean hasteko

Bihartik aurrera, apirilak 1, berriz zabalduko dute izen-ematea maiatzean Haurreskolan hasi nahi duten familientzat. Izena eman daiteke apirilaren 10era bitartean. Deialdia 2022, 2023 eta 2024 urteetan jaiotako haurrentzako da, maiatzaren 2an Haurreskolan hasteko. Une honetan, hiru leku daude libre. Bestalde, 2024/2025 ikasturterako izen-ematea apirilaren 22an zabalduko dute.