Gaur, Aratuste martitzena, lau beharrean, bost sari banatu ditu Soraluzeko Udalak Aratusteetako Mozorro-lehiaketaren bueltan. Izan ere, iragarritakoez gainera, belaunaldi ezberdinez osatutako mozorro-talderik onena ere saritu dute. Kontuak kontu, honakoa izan da aurtengo podiuma: irabazleak, Sorakeriak 92; bigarren, Belarri Motzak Herri Kirolak; hirugarren, Soraluzeko Golferuak; belaunaldi ezberdinez osatutako talde onena, Gaizkañe eta Pelotariak eta herritarren bozketaz erabakita, AMG Piraguistak.