Olinpiada mundialak

Gaur, Aratuste zapatua, umoretik primeran dabiltzala erakutsi eta soraluzetarrak erabat murgildu dira olinpiadetan. Zuzi olinpikoek, dominek, komiteek… eta batik bat, era guztietako kirolariek hartu dituzte bazterrak. Paperean sartu-sartuta ibili dira kuadrilletako asko eta kalean antzeztu dituzte kirol-jokoak, baita olinpiar jokoak ere, ingurukoen gozamenerako. Eguraldia lagun, iluntzera artekoa behintzat, ikusteko modukoa izan da.