L.G. herritarrak esan duenez, bakarrik edukiontzi horiak dauka poteak sartzeko ahoa espaloira begira. Edozelan ere, bertaraino ailegatzeko ere errepidera atera beharra dago.
Gaineratu duenez, behin baino gehiagotan, errepidetik pasatzen ziren autoak geratu egin behar izan dira pertsona bat zegoelako hondakinak botatzen errepidera aterata. Eta ibilgailuak ez badira geratzen, berriz, pertsonarengandik gertuegi pasatzen dira, batik bat, autobusak.
Edukiontzi horiek jartzeko lekua ere proposatu du: pareko edukiontzien-gunea. Dio han dagoen elbarriendako aparkalekua ez dela bertako bizilagunendako erabiltzen eta beraz, gune hura osorik edukiontziak jartzeko erabiltzea ondo legokeela iruditzen zaio.