Ikusmen murriztuaren gaineko dokumentala grabatu dute Soraluzen eta Orion

Ikusmen murriztua ardatz hartuta, zortzi minutuko dokumentala grabatu dute Soraluzen eta Orion. Besteren artean, ikusentzunezkoan parte hartu dute Soraluzeko BHI Institutuko eta Orioko Zaragueta Herri eskolako hainbat ikaslek eta baita Begisare elkarteko kide diren eta ikusmen murriztua duten bi pertsonak ere, tartean Jose Luis Arizaga 'Txipi' Plazentziako alkate ohiak. Ekimena Gipuzkoako Foru Aldundiko Giza Eskubideen eta Kultura Demokratikoko Zuzendaritzak sustatu du Aniztasunetik Eraikiz proiektuaren baitan.