Kukumixok, Udalak, Pil-pileanek eta hainbat herritarrek txabola muntatu eta apaindu dute Olentzerori eta Mari Domingiri ongi etorria emateko.
Aurtengo gaia
Urtero gai desberdin bat du etxolak, eta horren arabera apaintzen dira inguruak zein barnekaldea. Iazko gaia 'Lanbideak' izan zen; aurtengoa, 'Natura jolasgune' eta etxolaren bueltan aurkitu daitezke txirrista, kulunka, harearekin jostatzeko gunea, altuera desberdinetako enborrak, tipi denda, zaldia... egurrez sortuak guztiak.
Kokapena
Atzerago —iturritik gertuago— muntatu dute etxola udal-brigadakoek aurten. Plaza Berrian egoteko leku gehiago uztea eta Iratxo goxo-dendarako irisgarritasuna bermatzea izan dira arrazoi nagusiak.
Segurtasun neurriak
Azken urteotan etxolaren kontra egin diren bandalismo ekintzak ekiditeko, egurrezko tapak jarri zaizkie etxolako leihoei. Erasook batez ere gauez gertatu ohi direnez, etxola iluntzean ixteko eta goizetan zabaltzeko erabakia hartu da.