A30 Greba feminista orokorra

Jarraipen zabala izango du Greba Feminista Orokorrak eguenean

Ubane Madera Zangitu 2023ko aza. 28a, 17:03
Greba egingo dutela iragartzen duen kartela, Mendizabal okindegian.

Herriko saltoki, taberna eta zerbitzu ia guztiek bat egingo dute egueneko Greba Feminista Orokorrarekin. Askok dagoeneko jakinarazi dute egun osorako ixteko asmoa dutela, beste hainbatek, berriz, eguerdira arte zabaldu egingo dutela esan dute, eta, badira hainbat oraindik erabaki edo jakinarazi ez dutenak. Mobilizazioei dagokienez, goizean kalejira eta eguerdian manifestazioa izango dira eta arratsaldean, berriz, Bergarako manifestaziora joateko hitzordua.

Azaroaren 30era, egueneko Greba Feminista Orokorrari begira, Soraluzen greba antolatzen diharduen taldeak honako hiru hitzordu egin ditu:

  • 09:00etan, kalejira zaratatsua.
  • 12:00etan, manifestazioa Plaza Zaharreko karpatik abiatuta. Segidan, ekitaldia izango da bertan.
  • 18:00etan, hitzordua kotxeekin, Bergaran 19:00etan egingo duten manifestaziora joateko.

Herriko zerbitzu, saltoki, taberna eta negozioei begira, berriz, askok jakinarazi dute bat egingo dutela greba orokorrarekin eta egun osoan itxita izango direla. Honakoak: 

  • Mendizabal okindegia
  • Kooperatiba
  • Criado fruta-denda
  • KLB
  • Vidal fruta-denda
  • Okelia harategia
  • Iñarra harategia
  • Triskel
  • Belarrak
  • Estankoa
  • Todo a 100
  • Mapfre aseguruak
  • Likai
  • Benito Altzariak
  • Aritz Laskurain Osteopatia
  • Cris ile-apaindegia
  • Mimar ile-apaindegia
  • Negabi ile-apaindegia
  • Mabel ile-apaindegia
  • Elizpe Hortz-klinika
  • Gogortuz fisioterapia

 

  • Tabernak:
  • Txoko
  • Pub
  • Arrano
  • Bolia
  • Batzokia
  • Edurtza

Bestalde, eguenetan Plaza Zaharrean egoten den azoka-txikia ez da izango. 
Eroskik normal zabalduko du baina egoeraren arabera ez dute ixteko aukera baztertzen. 

  • Goizez zabalduko dute:
  • Iratxo goxo-denda: egunkarien arabera zabalduko dute. Ez balego, ez dute zabalduko.
  • Iosu bitxi-denda
  • Txuritxu goxo-denda
  • Autoservicio Amparo

 

  • Gutxieneko zerbitzuak emango dituzte:
  • Eguneko zentroan.
  • Mesedeetako egoitzan.
  • Anbulatorioan: bertako langileek egunean bertan erabakitzen dute greba egin ala ez. Gutxieneko zerbitzuak izango dira, baina gerta liteke medikuarekin txanda izatea eta mediku horrek greba egitea. 

 

  • Kiroldegia: Zabalik eta normal. Ikastaroak ere normal.