Indarkeria matxistaren kontra, isilik baina indartsu

Atzo eguerdian, 120 lagun baino gehiagok salatu eta gaitzetsi zuten indarkeria matxista, Plaza Berrian elkarretaratzea eginez. Orotariko herritarrek egin zuten bat protestan, baita udal ordezkari politikoak ere. Hain justu, bezperan Udalak indarkeria matxistaren kontra argitaratutako adierazpenean, gogora ekarri zuten 2003tik, emakumeonganako indarkeriari buruzko datuak jasotzen hasi zirenetik, 121 emakume eta 12 haur erailak izan direla Euskal Herrian.