Expo Kontrargi argazki erakusketa hiru zatitan dago antolatuta.
Batetik, Mikel Valerok ateratako argazkiekin osatutako multzoa ikus daiteke: Mendigaina, Aitzorrotz, Aramaio, Aitzulo, Riglos… gehienak dira paraje ederretan oinarritutako argazkiak, guztiak ere Naturarekin lotura dutenak.
Bestetik, Bittor Murguzurren argazki-multzoa dago. Kasu horretan ere, Natura da protagonista nagusi, baina argazki batzuk tematikoak ere badira, SAPA bota aurreko argazkia, Maitasuna irudikatzen duena zein Udate gauekoa, adibide batzuk jartzearren.
Azkenik, Fernan Oregik aurkeztutako argazki-multzoak borobiltzen du erakusketa. Kasu horretan, argazki guztiak daude leku berean aterata, Jaizkibelen, eta, halaber, erakusketako argazki-sortarik abstraktuenak dira. Detaileetan, koloreen konposizioan eta bestelako tekniketan oinarrituta, argazkietako batzuek planeten erretratuak direla ere badirudite.