Erregetxea hustu egin behar da biharko

Ubane Madera Zangitu 2023ko uzt. 17a, 15:30

Bihar, 07:30erako hutsik egon behar da Erregetxea, bihar hasiko baitira jaietarako barrakak muntatzen bertan. Erregetxean egoten diren edukiontziak, berriz, Etxaburuetako aldapan daude jarrita eta mini-garbigunea Santa Ana kalean.

Egunotan, buru-belarri ari dira jaietarako lanean. Plaza Zaharrean muntatuta dago taula, Zubi Nagusian erretiratu dituzte loreontziak zubiko txosnaguneari lekua egiteko, eta, Erregetxean jarri dute autoak erretiratzeko abisua, bihartik, barrakek lekua izan dezaten bertan.

Izan ere, Santiago-Santa Ana jaien kanoikada astelehenean, uztailaren 24an jaurtiko den arren, barikuan hasiko dira jaietako ekitaldiak eta ordurako martxan izango dira barrakak.

ALBISTEAK ESKUKO TELEFONOAN

Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!

WHATSAPP: Bidali ALTA 699 86 87 29 telefono zenbakira –Whatsapp bidez–.

TELEGRAM: Batu zaitez @plaentxia kanalera.