Atzo, San Fermin bezpera, Soraluzen ere ospatu zuten Euskal Herriko jairik ezagunenen hasiera. Txupinazoaren ondoren, txistulariek gozatu zuten kalea; ondoren, udalekuetako umeak gerturatu ziren, buruhaundi eta guzti eta dultzaineroen musika indartsuarekin, kalejira alaia egin zuten. San Fermin txiki borobiltzeko, frontoian buruhandiekin jolasean ibili ziren udalekuetan dabiltzan LH 4tik beherako umeak.