Atzo, domeka, ehun bat motozalek Soraluzeko kaleak eta plazak hartu zituzten, Motoclub Plaentxik antolatutako topaketaren bueltan. Asko ingurutik etorri ziren, Eibartik, Bergaratik… eta beste asko urrunagotik, Bermeotik, Donostiatik… Edozelan ere, ia guztiak ziren elkarren lagun edo ezagun, motozaleen familiakoak. Inguruko errepideetatik ibilaldia egin ondoren, Soraluzen elkartu, hamaiketakoa egin, opari zozketa adi-adi segi eta hildako motozale-lagunak gogoan -tartean, Manex Dominguez soraluzetarra- datorren urtera arte agurtu ziren.