Ezozi bailarako auzotar ugari batu zen atzo santutegiaren estalpean ospatu zituzten jaietara. Eguerdiko mezaren ostean, auzotarrek jan-edanean gozatu zuten Eatik eta Legutiotik etorritako kirolariek eskaini zuten herri kirol erakustaldiaz eta baita Ermutik eta Urretxutik etorritako Irune Badagoiti eta Beñat Torres bertsolari gazteek kantatu zituzten bapateko bertso zirikatzaileez ere. Viktoriano abadeak mezaren amaieran esan zuen bezala:"Gora Ezoziko Ama! eta gora gu ta gutarrak!".