Denda barrukoak plazara, BizikaleFest azokan

Ubane Madera Zangitu 2023ko eka. 9a, 12:41

Gaur, 10:00ak geroztik, herriko zortzi saltokiren artean osatutako BizikaleFest azoka abian da. Postuak jarri eta berehala, euria hasi du; ezusteko horrekin, zeruari begira hasi dute eguna saltzaileek. Baina berehala atertu du eta herritarrak ari dira plazako postuetara arrimatzen eta erosten. 20:00ak arte etengabe egongo dira plazan postuak. Bukatzean, berriz, 25 euroko lau bonu zozkatuko dituzte.

Jatekoak, janztekoak, bitxiak, kremak, edertzeko produktuak, liburuak, jostailuak, beherapenak, eskaintza bereziak, zozketa, musika… Ezohiko bizitasuna dauka gaur Plaza Zaharrak, BizikaleFest azokak emanda. 

Plazaren bueltan dauden saltzaileak animoso ikusten dira, bertara gerturatzen ari diren herritarrak gogotsu hartzen; ze mugimendu handiagoa arratsalderako espero den arren, goizean salmentatxo batzuk egin dituzte herriko dendariek. 

Azken batean, denda barrukoak kanpora aterata, hobeto ikusten dira salgaiak eta baita errazago erosi ere. 

Honako saltokiak daude plazan:

  • Kooperatiba
  • Criado fruta-denda
  • Iratxo goxo-denda
  • Mendizabal okindegia
  • Belarrak belar-denda
  • Triskel belar-denda
  • KLB jantzi-denda
  • Likai estetika zentroa

 

ALBISTEAK ESKUKO TELEFONOAN

Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!

WHATSAPP: Bidali ALTA 699 86 87 29 telefono zenbakira –Whatsapp bidez–.

TELEGRAM: Batu zaitez @plaentxia kanalera.