Azken boladan, txangorik txango dabiltza Itxaropena Erretiratuen Elkartekoak. Maiatzean, Bizkai aldean ibili ondoren, ekainaren 28an, Leitza-Tolosa inguruak bisitatuko dituzte. Besteak beste, txotxongiloen museoa, txokolatearen museoa zein harri-museoa ikustera joango dira. Izena emateko epea zabalik dago, ekainaren 15era arte.
Ekainaren 28an, Soraluzetik 09:15ean abiatuko dira Tolosa aldera. Han, Topic txotxongilo museoa edo Gorrotxategi txokolatearen museoa ikusi ahalko dituzte. Ondoren, 14:00etan, Tolosako nagusien zentro Harizpen bazkaldu egingo dute eta arratsaldean, Leitzako Peru-harri museoa bisitatuz borobilduko dute eguna.
Txangoaren prezioa da 35 euro eta zabalik dago izena emateko epea, martitzenetan 11:00etatik 12:00etara eta 16:30etik 18:30era eta eguenetan, 11:00etatik 12:00etara. Maiatzaren 18ra arte eman ahal da izena.
