Bihar, Elkarbizitza Jaia ospatuko dute eskolan

Ubane Madera Zangitu 2023ko mai. 31a, 11:42
Plaentxi Eskolako ikasleak 2018ko Elkarbizitza Egunean.

Bihar, eguena, Elkarbizitza Jaia ospatuko da Plaentxi Herri Eskolan. Helburua da Soraluzen dagoen aniztasuna aberastasun bezala ulertu eta hori ospatzea. 16:45ean hasita, 18:30ak arteko jaia izango da, jolasekin, dantzekin, tailerrekin, merendolarekin eta bestelakoekin. Ikasleak zein gurasoak daude jaira gonbidatuta. 

Honakoa izango da Elkarbizitza Jaiko egitaraua: 

  • 16:35: Irekiera.
  • 16:45: Ongi-etorria.
  • 16:50: Globoen jolasa.
  • 17:10: Dantzak.
  • 17:30: Tailerrak eta merendola.
  • 18:30: Talde argazkia eta agurra. 

2018an ospatu zuten Plaentxi Eskolan azken Elkarbizitza Eguna. Pandemiak ekimena geldiarazi ondoren, aurten berreskuratuko dute jaia.

Hezkuntza Soraluze