Herenegun, Deba eskualdeko garbitzaileen bigarren greba eguna izan zen. ELA sindikatutik esandakoaren arabera, IMPACTO enpresarekin azpikontratatuta dauden Udal garbitzaileen % 80 greban daude “erosteko ahalmena bermatuko duen eta prekarietatea amaituko duen garbiketa-hitzarmen duin bat lortzeko”.
Soraluzeko kasuan, greba egiten ari dira zazpi garbitzaileetatik bost; hain justu eskolako, Haurreskolako, ludotekako eta Gaztelekuko garbitzaile guztiak eta kiroldegiko 3 garbitzaileetatik bat daude greban. Domekara arte segituko dute protestarekin.
Atzo, berriz, Oñatin egin zuten manifestazioa. Natran hasi ziren, bertan, garbitzaileen 10 langileak greban baitaude eta ondoren, Oñatiko kiroldegitik pasa ziren, bertan, langileen % 90 greban baitaude.