Prentsa ohar bitartez helarazitako xehetasunen arabera, gaur goizaldeko lau eta erdiak aldera, Ertzaintzari abisatu diote, kalean pertsona bati eraso egiten ari zitzaizkiolako.
Gertakarien lekura iritsi bezain pronto, agenteek aurpegian kolpe ugari zituen gizon bat aurkitu dute eta berehala anbulantziari deitu diote.
Ertzantzaren arabera, biktima artatu duten osasun-langileek begiak oso handituta zituela eta masailezurrak eta bekainak hautsita zituela ikusita, Mendaroko Ospitalera eramatea erabaki dute.
Segituan, ertzainak erasotzaileen bila hasi dira eta goizeko bostak pasata, bi persona horiek aurkitu eta atxilotu egin dituztela kontatu dute.
Ertzaintzak dioenez, atxilotutakoak polizia-aurrekariak dituzten 28 eta 36 urteko bi gizonezko dira eta epailearen aurrera eramango dituzte beharrezko eginbideak amaitzen direnean.