Joan den astean mugikorrari buruzko tailerra egin ondoren, Itxaropena Erretiratuen Elkarteko zuzendaritza hurrengo ekintza antolatzen ari da: Madrilera bidaia, apirilaren 27tik 29ra arte. Oraingoz, aurre-izen-ematea zabaldu dute, gutxieneko pertsona kopurua behar baitute jakiteko bidaia antolatu behar duten ala ez. Interesa duenak Itxaropenako bulegoan eman dezake izena, martitzenetan, 11:00etatik 12:00etara eta 16:00etatik 18:30era eta eguenetan, 11:00etatik 12:00etara.
Aurre-izen-ematean, Madrilgo txangora joateko nahikoa jende dagoela ikusiz gero, bidaiari dagokion ordainketa egin beharko da Itxaropena elkarteak Euskadiko Kutxan edo Kutxan dituen kontuetan.
Halaber, txangoari buruzko xehetasunak ere txangoak aurrera egingo duela konfirmatzen dutenean jakinaraziko dituzte.