Errabal kalean, gorri koloreko zoru zatian, seinale berriak margotu ditu lurrean Soraluzeko Udalak. Haien bitartez adierazi nahi du errepide zati horren abiadura-muga 20 kilometro ordukoa dela, oinezko asko dabilen gunea dela eta zerbait gertatuz gero, oinezkoek dutela lehentasuna. Neurri horren bitartez, gidariei abiadura murriztu egin behar dutela gogorarazi nahi die.