Gaur, Martxoaren 8an, Emakumeen Nazioarteko Egunean, 150-200 bat herritar elkartu dira iluntzeko manifestazioan eta ondorengo ekitaldian. Zaintza sistema izan da aurtengo aldarria, zaintza sistema berria, patriarkatu kapitalistatik aldenduko dena, zaintza lanak aitortuko dituena, zaintza duina eta unibertsala bermatuko duena eta batez ere, zaintza partekatua, emakumeen eta gizonezkoen artean egindakoa.