Obra txikietan sortzen diren hondakinak garbiguneen batzen dira, doan. Hondakin horien artean badaude garbiak -adreiluak, hormigoia, baldosak, harriak eta zeramika- zein hondakin zikinak -igeltsuak, moldurak eta panelak-.
Garbiguneetara bereizita bideratu behar dira eraikuntzarekin lotutako hondakin horiek, hondakin garbiak berriro ere erabili baitaitezke; zikinak, berriz, ez eta horiek hondakin geldoen zabortegietara bideratzen dira.
Bada, orain, eraikuntzako eta eraispeneko hondakinak kudeatzeko kontratazioa abiarazi du
Mankomunitateak, 60.000 euroko lizitazio-aurrekontuarekin eta urtebeterako. Lehiaketara aurkeztu nahi duten enpresek 10 egun balioduneko epea izango dute, iragarkia kontratatzailearen profilean argitaratu eta hurrengo egunetik aurrera.