Herriko antzokia beteta zegoela, Gabonetako kontzertua eskaini zuen Ezoziko Ama Abesbatzak barikuan. Gospel doinu alaiak taularatu zituzten, eta, abesbatzarekin ohi denez, txalo zaparradekin amaitu zuten ikuskizuna, bis eta guzti. Entzule askoren esanetan, "oso ondo" abestu zuten eta kontzertu "oso polita" eskaini zuten. Bestalde, kontzertu hasieran, jakinarazi zuten Ezoziko Ama Abesbatzak 30 urte bete dituela eta urteurrena ospatzeko, hainbat ekitaldi egingo dituztela 2023an zehar.