Soraluzeko Udalak azaroaren amaieran asfaltatu zituen herriko hainbat puntutako errepide zatiak. Estaziñoan, Etxaburueta kalean, Loralde-Arraikuan, Mendiola industrialdearen sarreran eta Atxuriko bidegurutzean egin zituzten lanak.
Datozen egunotan, berriz, puntu horietako margotze-lanak hasiko dituzte, astelehenean, lehenak, Gabolatseko goiko parteko errepide zatikoak, hain justu. Lanek inguruko aparkalekuetan eta zirkulazioan eragina izango dute. Besteak beste, aparkalekuak hutsik laga behar dira asteleheneko 08:00etarako.