"Eroskia zabaldu dutenetik asteburuetan ataria hondakinez betetzen zaigu"

L.M. herritarra Estazio kaleko 2. atarian bizi da eta bere kexua helarazi dio Plaentxia.eus-i asteburuetan atarian jan eta edari hondarrak pilatzen zaizkiolako: "Eroskia zabaldu dutenetik, asteburuetan jendea gure atarira etortzen da jatera eta bertan lagatzen dituzte janari eta edarien ontziak. Ulertzen dugu gazteek aterpea bilatu nahi izatea baina ezin dugu onartu ataria horrela lagatzerik. Ea denon artean bilatzen dugun modua orain sortu den arazo honi irtenbidea emateko. Udalak esan digu zaborrontzia ipiniko duela baina ez dakigu nahikoa izango den".