Eskaintza handia izango da bigarren eskuko azokan

Ubane Madera Zangitu 2022ko abe. 15a, 09:16

Zapatuan, 11 saltoki izango dira Plaza Zaharreko karpan, bigarren eskuko azoka osatzen. Denetik eskainiko dute, jantziak, dekoraziorako gauzak, liburuak, jostailuak… 10:00etarako gertu izango da guztia eta 14:00ak arte izango da erosketak egiteko aukera. Aurten, berritasun modura, helduendako neguko arropa batzeko puntua ere izango da.

11 saltzaile eta 26 mahai izango dira zapatuan bigarren eskuko azokan. Udaletik esandakoaren arabera, azken orduan beste norbait animatuko balitz, beste bi mahai ipintzeko aukera ere izango da (943 75 30 43 telefonora deitu edo azokan bertan azaldu, 09:00etarako). 

Azoka 10:00etan zabalduko dute eta erosteaz gainera, produktuak trukatzeko aukera ere izango da. 

Bestalde, aurten pertsona zaurgarriei laguntzeko neguko arropa batzeko puntua ere jarriko dute. 

Gizartea Soraluze