Zein ordutegi dauka orain Pub-ak?
11:00ak inguruan zabaldu, 15:30ak arte-edo eta 17:00etarako berriro ere zabalik. Ernestok zeukan martxa.
Bakarrik zare lanean?
Bai, oraingoz bai.
Zelatan animatu zara orain taberna bat hartzera?
(Barre). Erretirorako hamar urte falta zaizkit eta zerbait egin beharra daukat. Batzokian nenbilela, Ernestok komentatu zuen jubilatzeko asmoa zeukala. Horrela animatu nintzen eta Maite arrebak behar nuen bultzada eman zidan. Jabearekin berba egin nuen eta hasiera batean beste inor ez zegoen prest taberna hartzeko eta horrelaxe hartu nuen nik.
Zein da zure helburua tabernaren martxarekiko?
Orain arteko bezeroek sartzen jarrai dezatela, eta, bezero berriak erakarri.
Zuk zeuk badaukazu eskarmentua taberna kontutan, ezta?
Bai, dena den hogeitaka urte nago barra batean sartu barik, baserri batean lanean ibili naiz. Azkeneko aldiz, Arrasateko Kimetz tabernan egon nintzen. Han lau urte-edo eman nituen arduradun eta lehenago kamarero moduan Gaztetxean, Bolian, Gilan, Edurtzan, Arranon… Arrasaten beste hirutan, Elgoibarren, Deban, Donostian…
Eta azken urteak baserri batean ibili zara lanean?
Bai, 10-12 bat urte ibili naiz baserri batean, jabea hil arte, orain dela bi urtera arte, Arrasaten, morroi modura lanean. Egunero joaten nintzen goizez eta gauean bueltatu etxera. Etxea eraman, terrenoez arduratu, abereez… Haritza baserrian, Bedoña auzoan, Kurtzetxiki azpian ibili izan naiz morroi.
Besterik nahi baduzu gaineratu…
Ba jendea anima dadila etortzera; azkenean, itxi beharrean, herrian zabalik mantenduko den taberna bat da.