Honako domeketarako antolatu dituzte umeendako saioak:
- Domekak Aterpean: azaroak 27, urtarrilak 15, urtarrilak 29, otsailak 12, martxoak 12 eta martxoak 26.
- Zinema saioak: abenduak 18, urtarrilak 22, otsailak 5, otsailak 26, martxoak 19 eta apirilak 2.
Zinema saioetan eskainiko dituzten pelikulei dagokienez, berriz, honako hauek dituzte aurreikusita: Izurde mutikoa; Ilargirantz; Trash; Ainbo; Barraskiloa eta balea eta Ana Mu etxera itzuli da.
Saioetarako sarrera doan izango da Atxolin Guraso Elkarteko kide diren bazkideendako; bazkide ez direnek, berriz, saio guztiengatik 30 euro ordaindu beharko dute eta zinemako sarrera bi euro izango da.
Iaz moduan, aurten ere Bergarako Jardun Euskara Elkarteak kudeatuko ditu Domekak Aterpean ekimenaren baitako dinamikak.