Dagoeneko astebete baino gehiago darama Mustak Kalebarrenen zabaldu zuen saltoki berrian. Bere esanetan, "oso pozik" dago kokagune berriarekin, dio "jende gehiago" sartzen dela orain saltokira. Bestalde, inaugurazio egunean egin zuen moduan, iragarri zuen dagoeneko ari dela Arimen Gauerako gozoki banaketa prestatzen. Hitzordua iaz baino goizago ipintzeko asmoa duela aurreratu du. "Ume mordoa etorriko da, inaugurazioan moduan!", esan du.