Antzerkia: Los Olivos Pálidos

Federico Garcia Lorcak kultura unibertsalaren irudi erakargarri eta magikoa izaten jarraitzen du, gerren eta ulertezintasunaren sinbolo bihurtutako egilea. La Red Teatroren muntaia berriak, bizitzaz haratago, Granadako poeta eta antzerkigilearen eta Bernarda Alba pertsonaia inspiratzen zuen Francisquita emakumearen arteko topaketa ahalbidetzen du. Ez da gogortasunik gabeko topaketa, alderantziz baizik, biek bizitzari begiratzeko bi modu irudikatzen baitituzte. Gauza asko dituzte aurpegiratzeko, eta ez dira isilik geratuko. Agian karta batzuk mahai gainean jartzeko unea iritsi da.