Atzoko elkarretaratzean, salaketa ugari egin zituen Soraluzeko Pentsiodunen Mugimenduak, aurten indarrean sartu den pentsioen erreformaren ondorio negatiboen harira. Honakoak nabarmendu zituzten:
- Erretiro adina 65 urtetik 67ra luzatzea.
- Kotizatu beharreko urte kopurua 25era igo dela eta 35 urteraino igotzea dagoela aurreikusita.
- Pentsioak ez direla azaroko KPIaren arabera igo, baizik eta batez besteko igoera izan dute, eta, ondorioz, erosteko ahalmena nabarmen murriztu dela.
- Pentsioen funts pribatuak onartu dituztela.
- Genero-arrakalaren aurkako neurriak bidean laga dituztela.
Horrekin batera, eskatu zuten Gizarte Segurantzaren auditoria egiteko eta hileko gutxieneko pentsioak hilean 1.080 euroraino igotzea.
Atzoko elkarretaratzea 47 bat lagunek babestu zuten. Halaber, deialdia egin zien langile-klase osoari "ahalegin handiz konkistatutako eskubideen defentsara eta borrokara".