Gaztelekuan guztia gertu dute ikasturteari ekiteko

Hainbat ume Gaztelekuan, iazko ikasturte amaieran.

Etzi, barikua, abiaraziko dute ikasturtea Udal Gaztelekuan. Aurten, 46 ume ibiliko dira bertan. Mailaka banatuta, 16:30etik 19:30ak arteko zerbitzua izango dute, barikuro. Horrez aparte, Gabonetan eta Aste Santuan, eskaintza bereziak izango dituzte. 

Barikuan, LH 5eko 16 umek eta LH6ko 30 lagunek estreinatuko dute Gaztelekuko ikasturtea. Ekainera arte izango dute Pil-pilean elkarteak kudeatzen duen udal zerbitzu hori erabiltzeko aukera. 

Adinaren arabera sailkatuta, bi taldetan banatuko dituzte umeak. LH5ekoak 16:30etik 18:00ak arte izango dira Gaztelekuan eta LH6koak, berriz, 18:00etatik 19:30ak arte. 

Zapatuetako Gaztelekuko zerbitzua, berriz, beranduago hasiko da martxan.