Lainoa, musika eta giro ederra San Martzialgo jaian

Aurten, aurrenekoz, egun bakarreko jaia antolatu zuten San Martzialgo auzotarrek. Goizean goiz hasi zen jendea hurbiltzen  eta, egunak aurrera egin ahala, txikienek ere, egunaz gozatu ahal izan zuten, poniekin, zezentxoekin eta hainbat lehiaketarekin. Ikus eguneko bideo eta argazki kronika. Argazkiak: Ane Aizpurua eta Igor Aldazabal. 

Eguerdiko 12:00etan eman zioten hasiera ofiziala jardueraz beteriko egunari eta, jarraian, dantza taldeari eta musikariei esker, jendearen animoa eta gogoak indartuz joan ziren.

Egunean zehar, hainbat lehiaketa antolatu ziren eta ondorengoak izan ziren garaileak:

Toka txapelketan: Ramon Agirre.

Paella lehiaketan: Larraitz Lakuesta, Leire Makinai eta Josune Casares.

Mus txapelketan: Simun eta Edu. Bigarren: Larraitz eta Josune Casares.

Txapel jaurtiketa: Juan (gaztetxoen mailan) eta Niko Mendia (helduen mailan)