Blues kontzertua Arranon

Mikel Etxeberria eta Asier Elortza. Argazkia: Seminarixoa.eus.

Bihar, barikua, blues kontzertua izango da Arranoko terrazan, Diablues&Bluezifer bikote bergararraren eskutik. 20:00etan hasiko da musika saioa.

Diablues&Bluezifer bikotea osatzen dute Belceblues taldeko abeslari Asier Elortzak (ahotsa, gitarra, dobroa eta tronpeta) eta Mikel Etxeberria musikariak (aho-soinua, gitarra eta ahotsa), 2014az geroztik. 

Blues akustikoaren instrumentazio tipikoa erabiltzeaz gain, doinu eta instrumentu bereziekin apaintzen dute ikuskizuna, bluesaren sustrai sakonetaraino eramanez, Mississippiko doinu zaharrei ukitu pertsonala emanaz.