"(...) zergatik ezin diogu Cristoforo Colomboren balizko euskalduntasunari leihoa zabaldu? Zergatik ezin diogu Francisco Melendezen hipotesi honi sinesgarritasun ttiki bat eman?" galdetuz hasten du Joseba Aurkenerena euskaltzale eta irakasle ohiak ZuZeu.eus albistegian argitaratu berri duen Cristoforo Colombo, euskal semea ote? artikulua. Bertan, Colombo euskalduna zela eta Plazentzian jaio zela planteatzen duen hipotesia berreskuratu du, Francisco Melendez Polok Colón vizcaino liburuan aipatzen dituen argudioak baliatuta.
"(...) Melendez Polok defendatu zuenez, 1441eko uztailaren 10ean, Gipuzkoako Soraluze herrian Kristobal izenaz bataiatu zuten haurra jaio zen. Bere lehen deiturak hauexek ziren: Maiztegi, Larreategi, Laskurain eta Salogoen. Oraindik haurrak zirela, amak bidali omen zituen Kristobal eta bere anaia Bartolome Elorriora Joan Tabera apaiz arabarrarekin ikas zezaten, eta zenbait urte beranduago Italiako Pavia hirira nautika eta bestelako diziplinak ikas zitzaten (...).
Jarraitu artikulua irakurtzen HEMEN.
