Amaiera borobila udalekuei

Bariku arratsaldean, dena emanda ibili ziren Kukumixoren udalekuen azken orduetan. Jolas zikinetan, ur-jolasetan eta zelan ez, umeek (eta begiraleek) ezin gustukoago duten jostailua: ur-txirristan. Handik jaisteko ilara ia-ia Arranoraino ailegatu arren, pazientziaz txanda itxaron eta ume guztiek izan zuten xaboiztutako aldapatik jaisteko aukera. Begiraleak ere ez ziren atzean geratu eta algaraka eta freskatua hartuta zapore ezin-hobearekin esan zieten agur udalekuei, datorren urtera arte.