Hasi dira Itxaropenako obrak

Atzo, astelehena, hasi zituzten Itxaropena Erretiratuen Elkarteko komunen obrak. Helburua da haien irisgarritasuna bermatzea. Aurrekontua da 28.000 euro pasakoa eta aurreikuspenaren arabera, irailaren erdialdean bukatuko dituzte. Obrak egin bitartean, itxita izango da herriko erretiratuen elkartea.

Aurrekontuaren desgloseari dagokionez, berriz, honako gremioek hartuko dute parte:

  • Fogasler S.L iturgintza: 7.590 euro
  • San José igeltserotza: 16.686 euro
  • Electricidad Laibi S.L: 2.130 euro
  • Urkiaga Aroztegia: 1.689 euro

Udaleko arduradunek “pazientzia” eskatu diete herritarrei lan horiek irauten duten bitartean, “obra horiei esker irisgarritasuna bermatuko baita eta hobekuntza nabarmena” izango da.