Bihar hasiko dira barrakak muntatzen

Bihar, eguaztena, ailegatuko dira autotxokeak Erregetxera. Horren ondorioz, 07:30erako libre laga beharko da erdiguneko aparkalekua. Bestalde, gaur, martitzena, aurkeztuko dute aurtengo jaietako egitaraua.

Udaletik gogora ekarri dute badatozela aurtengo jaietarako barrakak. Bihar hasiko dira muntatzen, eta, horretarako erretiratu egin behar dira Erregetxean aparkatutako ibilgailu guztiak goizeko lehen ordurako, bestela garabiari abisatuko diote.

Bestalde, Udalak iragarri du gaur iluntzean, martitzena, aurkeztuko dutela aurtengo Santiago-Santa Ana jaietako egitaraua, 19:00etan, Udal Gobernuko kideen eskutik.