Bihar, Soraluzeko Musika Eskolan egingo dituzte odol ateratzeak

Herritarrak odola ematen, maiatzean.

Bihar, barikua, irailera arteko azken odol ateratzeak egingo dituzte, ezohiko lekuan. Izan ere, Itxaropena Erretiratuen Elkartean obrak egin ari direla-eta, Soraluzeko Musika Eskolara jo beharko dute odol emaileek. Hori bai, ordutegia betikoa izango da: 16:30etik 20:30era. Eta goizean hitzordua hartu beharra dago. Odol bankuak dei egin du odola ematera joateko. Gogora ekarri dute oporraldian ohi baino odol emaile gutxiago izaten dela, eta, aldiz, odola behar duten gaixo kopurua betikoa dela.

Gipuzkoako Odol Emaileen bankuak dei berezia egin du bihar odola ematera joateko. Gogora ekarri dute herritar ugari joaten dela oporretara eta hori dela-eta, odol erreserbak ziurtatu egin nahi dituztela, ospitaleetan odol beharra ez baita txikiagoa izaten uda izan arren.

Betiko moduan, odol ateratzeak 16:30etik 20:20ak bitartean egingo dituzte; oraingo honetan, Soraluzeko Musika Eskolaren eraikinean egongo dira osasun profesionalak, lehen solairuan.

Azkenaldian ohi den moduan, egunean bertan, 08:30etik 13:30ak arte txanda hartu beharra dago odola ematera joateko: 943 00 78 84.