Domeka jendetsua San Andresen

Herritar ugari hurreratu zen atzo San Andresera, domekako egitarauaz gozatzera. Meza, pilota partiduak, bertsolariak, bola premioa eta jenderik gehien erakarri zuen zezentxo eta ponien ikuskizuna izan ziren atzoko ekitaldi nagusiak. Eguraldi bikaina egin zuen eta arbolapeko gerizpetan egonaldi goxoak egin zituen jendeak, tertulian eta jan edanean.  

Iluntzeko bola premio mixtoan, Carlos Martin auzotarra gailendu zen sei txirlo botata; bigarren Sebas Aranzabal elgetarra sailkatu zen eta hirugarren Eneko Unamuno, azken hau ere auzotarra.