Irailera arte agurtu dute eskola herriko gazteenek. Goiz osoko jaia egin dute Plaentxi Eskolan ikasturteari amaiera borobila emateko. Eguerdian, ikasleetako batzuk negarrez irten dira ikastetxetik, datorren urtean izango ez dituzten ikaskideengatik edo irakasleengatik, baina behin penak gaindituta, poza eta ia hiru hileko oporraldia geratu zaie barrenean eta buruan. Argazkiak: Plaentxi Eskola.